Yaxın vaxtlarda Azərbaycan Dövlət Neft Şirkətinin neft və qaz hasilatı üzrə "Azneft" istehsalat birliyi "Qərbi Abşeron" strukturunun cənub hissəsindəki yeni yerdə quyu qazmağı planlaşdırır. Bu barədə Trend ə ARDNŞ-dən bildiriblər. Quyunun layihə dərinliyi təxminən 750-800 metr təşkil edəcək.
Yeni qazıntı yeri əvvəlkindən 800 metr kənarda yerləşir. Quyuların qazıntısı "Xəzər" qazma qurğusu ilə həyata keçiriləcək. Cəmi beş quyunun qazıntısı nəzərdə tutulub. Quyular qazıldıqdan sonra onlar konservləşdiriləcəklər.
ARDNŞ-dən bildiriblər ki, yatağın açılışı - işlənmə üçün effektivdir. Bu onunla izah olunur ki, yataq sahilə, həmçinin neft nəqli üzrə mövcud kommunikasiyalara yaxın yerdədir. Hazırda yatağın bu hissəsindəki ehtiyatlar qiymətləndirilir. Quyuların dərinliyi təxminən 800-1000 metr təşkil edir.
ARDNŞ "Qərbi Abşeron" yatağının cənub hissəsində çıxarma platforması quraşdırmaq fikrindədir. O, sahilin 40-50 metrliyində quraşdırılacaq. Mütəxəssislərin qiymətləndirmələrinə görə, yataqda təxminən 1,5 milyon ton şərti yanacaq var.
