...

Bu il Azərbaycan "Şahdəniz" yatağından ehtimal olunandan çox qaz əldə edəcək

Energetika Materials 7 Avqust 2006 16:50 (UTC +04:00)

Trend-i buradan izləyin

"Şahdəniz" qaz kondensatı yatağında qaz hasilatı üzrə proqnoz artımını nəzərə alaraq, bu il Azərbaycan təxminən 670 mln. kub. metr qaz ala biləcək. Bu barədə Trend ə Azərbaycanın Sənaye və Energetika Nazirliyindən xəbər veriblər.

Plana əsasən hasilat sentyabrın sonunda başlayacaq. Hazırda işlər qrafikə uyğun həyata keçirilir.

Lakin Türkiyə Gürücstanla sərhəddə qazı vaxtında qəbul edə bilməsə, bu həcm artırıla bilər. Bu, Cənubi Qafqaz qaz kəmərinin vaxtında istismara verilməməsindən irəli gələ bilər. O zaman qazın bir hissəsi Azərbaycan tərəfindən isteşlak olunacaq, digər hissəsi isə Gürcüstana veriləcək. Bu baş verərsə, qazın həcmi və dəyərilə bağlı danışıqlara ehtiyac yaranacaq.

Bu il "Şahdəniz" qaz kondensat yatağından təxminən 1 mlrd. 200 mln. kub metr qaz çıxarılacaq.

Tərəfdaşlarla danışıqlar zamanı hasil olunan qazın həcminə yenidən baxılıb. Əvvəllər ehtimal olunurdu ki, yataqdan 850 mln. kub. metr qaz hasil ediləcək, lakin sonralar bu göstərici artırılıb.

Yataqda 4-cı quyu qazılıb və onun qiymətləndirilməsi nəticəsində məlum olub ki, ilin sonuna qədər "Şahdəniz"dən 1 mlrd. 140 mln.- 1 mlrd. 200 mln. kub metr qaz çıxarılacaq.

"Şahdəniz" yatağından çıxarılan qazın dəyəri 1 min kub metrə görə $58 təşkil edəcək. Gürcüstan üçün bu $63, Türkiyə üçün -$120 olacaq.

Xəbər lenti

Xəbər lenti