ARDNŞ sentyabrda Türkiyənin Ceyhan limanından ixrac ediləcək Azeri Light növlü neftin ixrac həcmini müəyyən edib. Bu barədə Trend ə şirkətdən bildirilib.
"Azəri-Çıraq-Günəşli" dəniz yataqları blokundan hasil edilən neft BTC ilə limana çatdırılacaq.
ARDNŞ nümayəndəsinin sözlərinə görə, sentyabrda şirkət iki tankerlə özünün 215 min ton neftini ixrac edəcək. Beləliklə, 80 min ton neft (600 min barel) yaxın vaxtlarda elan olunacaq tenderdə satılacaq, 135 min ton cost oil adlı neft isə (1 mln barel) uzunmüddətli müqavilə əsasında treyderlərə satılacaq (Glencore və Select Energy Trading).
İyulda ARDNŞ Ceyhandan 1 mln barel neftini Norveçin Statoil şirkətinə satıb. İyun ayına olan 422,9 min tona qarşı iyulda BTC ilə cəmi 787 min ton neft nəql olunub.
