...

BP Azerbaijan "Şahdəniz"də texniki problemləri müəyyən etmək üçün tədqiqatlar aparır

Energetika Materials 27 Dekabr 2006 15:49

Trend-i buradan izləyin

Hazırda BP Azerbaijan şirkətinin mütəxəssisləri "Şahdəniz" qaz-kondensat yatağında ilk qabaqlayıcı quyuda texniki problemləri və onların həlli yollarını müəyyən etmək üçün tədqiqatlar aparırlar. Bu barədə Trend ə şirkətdən məlumat verilib.

"Bu işlər tamamlandıqdan sonra, bu problemlərin həlli üzrə vaxt və fəaliyyət müəyyən olunacaq", - deyə şirkətdən bildirilib.

Quyuda hasilat ehtiyat tədbirləri məqsədilə, təhlükəsizlik texnikasına riayət etmək üçün şirkət tərəfindən dayandırılıb. Şirkət nümayəndələrinin sözlərinə görə, belə problemlər "Şahdəniz" kimi böyük layihənin işə salınması zamanı təbii amil kimi nəzərdən keçirilməlidir.

Birinci quyuda qaz hasilatı dekabrın 15-də başlayıb. Sutkada birinci quyudan 5,6 mln. m3 qaz və 2,5 min ton qaz kondensatı hasil edilib.

"Şahdəniz"in işlənmə layihəsinin "Mərhələ -1" çərçivəsində plato mərhələsində ildə 8,6 mlrd. kubmetr qaz hasil olunacaq. 2007-ci ildə "Şahdəniz"dən 5,4-5,6 mlrd. kubmetr qaz hasil olunacaq.

Xəbər lenti

Xəbər lenti