Azərbaycan, Bakı / Trend / 2006-cı ilin məlumatlarına əsasən, Azərbaycanda sübut olunmuş neft ehtiyatları 7 mlrd. barel təşkil edir. Bu barədə ABŞ Energetika Nazirliyinə daxil olan Enerji İnformasiya Administrasiyasının (EİF) yaydığı məlumatda bildirilir.
Hesabata əsasən, Asiyada neft ehtiyatlarının ümumi həcmi 36 mlrd. barel təşkil edir.
Azərbaycanda neft dəniz və qurudakı yataqlarda hasil edilir. Hasilat işləri ilə həm Azərbaycanın Dövlət Neft Şirkəti, həm də bir sıra xarici şirkətlər məşğuldur. "Azəri-Çıraq-Günəşli" yatağında yüngül Azeri Light nefti hasil olunur. Bu markalı neft dünya bazarlarında Brent Dated-ə mükafatla satılır.
Aşağıda dünyanın əsas neft ehtiyatlarına malik ölkələrinin cədvəli verilir:
Ölkə | Neft ehtiyatları (mlrd. barel) |
Səudiyyə Ərəbistanı | 264,3 |
Kanada | 178,8 |
İran | 132,5 |
İraq | 115 |
Küveyt | 101,5 |
BƏƏ | 97,8 |
Venesuela | 79,7 |
Rusiya | 60 |
Liviya | 39,1 |
Nigeriya | 35,9 |
ABŞ | 21,4 |
Çin | 18,3 |
Qətər | 15,2 |
Meksika | 12,9 |
Əlcəzair | 11,4 |
Braziliya | 11,2 |
Qazaxıstan | 9 |
Norveç | 7,7 |
Azərbaycan | 7 |
Hindistan | 5,8 |
Digər ölkələr | 68,1 |
Ümumi | 1,292,5 |