Bakı. Trend:
Beynəlxalq Bərpa Olunan Enerji Agentliyinın (IRENA) son məlumatlarına görə, Azərbaycanın günəş enerjisi sektoru son on ildə əhəmiyyətli dərəcədə genişlənib.
Trend xəbər verir ki, 2016–2025-ci illər ərzində ölkədə günəş elektrik stansiyalarının quraşdırılmış gücü 25 MVt-dan 281 MVt-a yüksəlib ki, bu da on il ərzində 11 dəfə artım deməkdir. Bununla belə, artım qeyri-müntəzəm olub və 2023-cü il tarixi il kimi yadda qalıb: mövcud güc 2022-ci ildəki 51 MVt-dan 282 MVt-a yüksəlib ki, bu da bir il ərzində 431 faiz artım təşkil edir.
|
Günəş enerjisinin gücü(MVt) | İllik artım (%) | |
|---|---|---|---|
| 2016 | 25 | — | |
| 2017 | 28 | 12% | |
| 2018 | 35 | 25% | |
| 2019 | 33 | -5,7% | |
| 2020 | 35 | 6% | |
| 2021 | 48 | 37% | |
| 2022 | 51 | 6% | |
| 2023 | 282 | 431% | |
| 2024 | 281 | -0,4% | |
| 2025 | 281 | 0% |
Azərbaycanda bərpa olunan enerji mənbələrinin ümumi quraşdırılmış gücü 2016-cı ildə 1 184 MVt-dan 2025-ci ildə 1 826 MVt-a çatıb ki, bu da onillik üzrə 54 faiz artım deməkdir. 2025-ci ilə qədər günəş enerjisinin bərpa olunan mənbələrin ümumi həcmində payı 15 faizə yüksəlib, halbuki 2016-cı ildə bu göstərici cəmi 2 faiz idi.