Azərbaycan, Bakı, 08 oktyabr/ Trend , müxbir S.Babayeva/ Azərbaycanın rabitə və informasiya texnologiyaları naziri Əli Abbasov Kubaya dəvət edilib. Nazirliyin mətbuat xidmətinin verdiyi xəbərə görə, nazirin Kubanın Azərbaycandakı Fövqəladə və Səlahiyyətli Səfiri Marsello Kabalyero Torreslə görüşü zamanı sonuncu Kuba hökumətinin 2009 - cu il fevralın 9 -14 - də bu ölkədə keçiriləcək informasiya -kommunikasiya texnologiyaları üzrə beynəlxalq sərgi və konfransında iştirak etmək barədə dəvətini Abbasova təqdim edib.
Səfir hesab edir ki, bu sərgidə Azərbaycan şirkətlərinin istehsal etdiyi məhsul və xidmətlərin nümayişi onların Kuba bazarına çıxmaları üçün faydalı şərtdir.
Marsello Kabalyero Torreslə Kuba tərəfinin BakuTel - 2008 beynəlxalq konfrans və sərgisində iştirakda maraqlı olduğunu vurğulayb. Azərbaycan hökuməti BakuTel - 2008 -də iştirak üçün Kubaya dəvət göndərib.
Tərəflər zərurət yarandığı halda telekommunikasiya, informasiya texnologiyaları və poçt sahələrində hökumətlərarası sazişlər bağlamaq barədə razılıq əldə ediblər.
