Fransa, Strasburq, 08 may / Trend , müxbir A.Məhərrəmli /
Azərbaycanın rabitə və informasiya texnologiyaları naziri Əli Abbasov Strasburqa işgüzar səfər edəcək. Bu barədə Avropa Şurasındakı daimi nümayəndəlikdən bildiriblər.
"Abbasovun rəhbərlik edəcəyi nümayəndə heyəti 26-28 may tarixlərində Strasburqda səfərdə olacaq", - deyə nümayəndəlikdən vurğulayıblar.
Səfər çərçivəsində Transmilli Avrasiya seperinformasiya magistralı üzrə Bakı Bəyannaməsinin təqdimatı gözlənilir.
Azərbaycan rabitə nazirinin Avropa Şurası Dövlət katibinin müavini Mod de Bur-Bukikkio, Avropa Şurasının insan haqları məsələləri üzrə Baş direktoru Filip Boya, Avropa Şurasının Kommunikasiya Direktorluğunun rəhbəri Sedo Pompian ilə və digər mühüm görüşləri planlaşdırılıb.
Bundan əlavə, Azərbaycan nümayəndə heyəti Avropa Şurasının 60 illiyinə həsr olunmuş Azərbaycan poçt markalarını təqdim edəcək.
Məqalə müəllifi iləəlaqə ünvanı: [email protected]
