Azərbaycan, Bakı, 04 iyun / Trend , müxbir N.İsmayılova /
Qlobal maliyə böhranı Azərpoçt Dövlət poçt operatorunun pul köçürmələrinə təsir göstərməyib. Bu barədə cümə axşamı Azərbaycanın Rabitə və İnformasiya Texnologiyaları Nazirliyinin poçt sektorunun müdiri Novruz Məmmədov bildirib.
"Bizdə heç bir azalma yoxdur, əksinə artım gözlənilir", - deyə Məmmədov bildirib.
İlin əvvəlindən etibarən Azərpoçt şəbəkəsi üzrə pul köçürmələrinin ümumi həcmi 28 milyon manatdan artıq olub.
Onun sözlərinə əsasən, Azərpoçt-un pul köçürmələri üzrə əsas tərəfdaşları Rusiya, ardınca Ukrayna, Qazaxıstan və Belarusdur.
Məqalə müəllifi ilə əlaqə ünvanı: [email protected]