...

Azərbaycan ATS-lərinin 80 faizi yenidən bərpa olunub

Telekommunikasiya Materials 19 İyun 2009 19:54 (UTC +04:00)

Azərbaycan, Bakı, 19 iyun / Trend , müxbir N.İsmayılova /

"Azərbaycan ATS-lərinin 80 faizi yenidən bərpa olunub və elektron iş rejiminə keçirilib", - cümə günü rabitə və informasiya texnologiyaları nazirinin müavini Elmir Vəlizadə bildirib.

"Hazırda yenidən bərpa işləri davam etdirilir və artıq ATS-lərin 80 faizindən çoxu dəyişdirilib, ümid edirik ki, ilin sonuna bu proses başa çatdırılacaq", - Vəlizadə deyib.

2009-2012-ci illərdə ATS-lərin yenidən bərpası və elektronlaşdırılması dövlət proqramına müvafiq olaraq, ilkin mərhələdə 470, 471, 472, 474, 475, 476 və 423 saylı ATS-lər bərpa olunacaq.

Göstərilmiş ATS-ləri NGN (Next Generation Network) texnologiyaları əsasında bərpa etmək planlaşdırılır. 70 min nömrə tutumuna malik ATS-in yenidən bərpası yaxın iki ayda başa çatacaq. İkinci yarımildə "Bakı telefon rabitəsi" İstehsalat Birliyi 438, 439, 493, 494, 495, 498 saylı ATS-lərdə NGN texnologiyasının tətbiqinə başlayacaq.

Hazırda Azərbaycanda hər 100 adama 15 stasionar telefon düşür, 2001-ci ilə qədər isə nazirlik bu rəqəmi 19,8-ə çatdırmaq niyyətindədir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti