...

Rusiya Azərbaycan istiqamətində kabel magistralının tikintisini başa çatdırır

Telekommunikasiya Materials 18 Fevral 2011 16:15 (UTC +04:00)

Azərbaycan, Bakı, 18 fevral /Trend, müxbir H.Vəliyev/

Azərbaycan və Rusiyanın milli operatorlarının telekommunikasiya infrastrukturlarını birləşdirən optik-lif magistralının Rusiya seqmenti ikinci rübün əvvəlində hazır olacaq. Bu barədə cümə günü Trend-ə Azərbaycan Rabitə və İnformasiya Texnologiyaları Nazirliyinin Beynəlxalq əlaqələr və hesablamalar mərkəzinin direktoru Cəlil Cəfərov deyib.

İlkin buraxılış qabiliyyəti 10 Gbit/saniyə olan beynəlxalq rabitə xəttinin yaradılmasını nəzərdə tutan layihə Rusiyanın "Meqafon" ASC və Azərbaycanın "Azertelekom" şirkətləri tərəfindən həyata keçirilir.

Cəfərovun sözlərinə görə, kabel magistralının Azərbaycan seqmentinin tikintisi üzrə işlər tam başa çatıb və layihənin gələcək inkişafı hazırda "Meqafon" ASC-nin qəbul edəcəyi qərardan asılı olacaq.

"RF tərəfinin bildirdiyinə görə, magistralın Rusiya seqmentinin tikintisi apreldə başa çatacaq. Transsərhəd keçidin işə salınması üzrə saziş yaxın vaxtlarda gözlənilir. Bu, nazirlik və "Meqafon" ASC arasında bu yaxınlarda keçirilən müzakirələrin əsas mövzusu olub", - Cəfərov qeyd edib.

Layihənin həyata keçirilməsi Azərbaycan və Rusiya bazarlarında operatorların coğrafi mövcudluğunu genişləndirməyə, eləcə də Xəzəryanı ölkələrin yaxınlaşmasına imkan verəcək.

Rusiyanın "Sinterra" və Azərbaycanın "Azertelekom" şirkətləri "C-Ring Telecom" müəssisəsinin payına bərabər malikdirlər (hər tərəf 50 faiz). Onun yaradılması haqqında sənəd 2009-cu ildə Bakıda imzalanıb.

Layihənin həyata keçirilməsi "C-Ring Telecom" müştərək müəssisəsinə Azərbaycan və Rusiya ərazilərindəki layihələrində "Azertelekom" və "Sinterra" ehtiyatlarından və infrastruktur imkanlarından istifadə etmək imkanı verəcək. Bu, Azərbaycan biznesinə və əhalisinə "Sinterra"nın təqdim etdiyi rabitə xidmətləri kompleksindən istifadə etməyə imkan verəcək. Bunlara beynəlxalq-şəhərlərarası rabitə, magistral kanalların icarəsi, IP MPLS şəbəkəsi bazasında xidmətlər, internetə çıxış, MİM (məlumatların işlənməsi mərkəzi) şəbəkəsinin və "call-mərkəz"in resurslarından istifadə daxildir. Baza telekommunikasiya xidmətlərindən (telefoniya, məlumatların ötürülməsi, internet xidmətləri) istifadə ilə "Azertelekom", innovasiya xidmətlərinin (MİM, "call-mərkəz", GRID-texnologiyalar, kontent xidmətləri) inkişafı ilə "C-Ring Telecom" məşğul olacaq.

Xəbər lenti

Xəbər lenti