...

Azərbaycan müəssisəsi rəqəmsal TV dekoderlərinin istehsalına başlayır

Telekommunikasiya Materials 6 Fevral 2012 14:49 (UTC +04:00)

Trend-i buradan izləyin

Azərbaycan, Bakı, 6 fevraı /Trend, müxbir H.Vəliyev/

Azərbaycan Müdafiə Sənayesi Nazirliyinin "Peyk" zavodu rəqəmli DVB-T-tunerlərin (rəqəmli televiziya siqnallarını qəbul etmək üçün) istehsalına başlayır. Bu barədə bazar ertəsi Trend-ə zavoddan məlumat veriblər.

Zavodun istehsal gücü bilavasitə istehlak tələbatından asılı olacaq.

Tunerlər pərakəndə satışda yaxın müddətdə olacaq. Qurğular bazara "DVB-T PEYK" brendi altında çıxarılacaq, onların qiyməti isə 30 manatı ötməyəcək.

Dekoderlər MPEG-2 və MPEG-4 satndartlarını dəstəkləyəcək.

Rəqəmli dekoderlərin istehsalı üçün komplektlər Tayvandan alınıb. Zavoddan əvvəl verilən məlumata görə, daxili bazarda bu qurğulara tələbat 1,5 milyon ədədə çata bilər.

Azərbaycanda rəqəmli televiziya yayımının inkişafı Rabitə və İnformasiya Texnologiyaları Nazirliyi qarşısında qoyulmuş prioritet məsələlərdəndir. Nazirlik yaxın vaxtlarda rəqəmli yayımın bütün respublika ərazisində əhatə olunmasına çalışır.

Nazirliyin hesablamalarına görə, 2012-ci ilin sonuna qədər Azərbaycanın bütün yaşayış əraziləri bu standartla əhatə olunacaq, rəqəmsal yayıma tam keçid isə, nazirliyin iş planına əsasən, 2013-cü ildə gözlənilir.

Fevralın 6-na olan rəsmi məzənnə 0,7863 AZN/USD təşkil edir.

Xəbər lenti

Xəbər lenti