Azərbaycan, Bakı, 24 yanvar /Trend, müxbir H.Vəliyev/
"Azərbaycan Dəmir Yolları" QSC elektron sənəd dövriyyəsi sisteminin inteqrasiyası üzrə işlərə başlayıb. Bu barədə cümə axşamı Trend-ə QSC-dən məlumat verilib.
QSC-dən bildirilib ki, hazırda yenilənmə və texniki infrastrukturun müasirləşdirilməsi üzrə kompleks işlər aparılır. Onların həyata keçirilməsində əsas vəzifələrdən biri elektron formada sənəd dövriyyəsinə keçiddir.
Elektron sənəd dövriyyəsi sisteminin tətbiqinin layihəsi kompleks tədbirlərin reallaşdırılmasını, həmçinin Qapalı Səhmdar Cəmiyyəti tərəfindən göstərilən elektron xidmətlərin siyahısının genişlənilməsini nəzərdə tutur.