Azərbaycan, Bakı, 14 avqust /Trend, müxbir H. Vəliyev/
Azərbaycanın "Sinam" İT şirkəti Qırğızıstanın vergi xidmətində vergi inzibatçılığının avtomatlaşdırılması proqram təminatını yekunlaşdırıb. Bu barədə çərşənbə günü şirkətdən Trend-ə bildirilib.
Proqramın tətbiqi Asiya İnkişaf Bankı tərəfindən maliyyələşdirilən "Vergi inzibatçılığının islahı və modernləşdirilməsi" proqramı çərçivəsində həyata keçirilib.
Şirkətdən bildirilib ki, bu günlərdə qəbul-təhvil sınaqları başlayacaq, bundan sonra sistem avqustun ikinci yarısından rəsmi olaraq istismara veriləcək.
