Azərbaycan, Bakı, 18 oktyabr /Trend, müxbir Hüseyn Vəliyev/
"NetCard" universal ödəniş sistemi "eManat" ödəniş terminallarında əlçatan olub. Bunu Trend-ə "Modenis" şirkətindən ("eManat" terminallar şəbəkəsinin sahibi) deyiblər.
Xidmətdən istifadə etmək üçün "NetCard" bölümünü seçmək, mobil telefon nömrəsini göstərmək, pulu qəbulediciyə qoymaq və qəbz almaq lazımdır. Qəbzdə "NetCard"ın şifrəsi göstəriləcək. Bu şifrə avtomatik olaraq SMS-lə mobil telefonun qeyd edilən nömrəsinə göndəriləcək.
"NetCard" ödəniş sistemi internet ödənişlərin həyata keçirilməsi üçün istifadə olunur.
"NetCard"ın yüklənməsi "MilliÖN" ödəniş terminallarında da mümkündür.