Bakı. Trend:
Sentyabrın 7-də "Apple" şirkəti "Apple Watch SE"dən daha ucuz olacaq büdcəli smart saatlarını təqdim edəcək.
Trend xəbər verir ki, bu barədə "New York Times"a mənbələr məlumat verib.
Məlumata əsasən, "Apple" gənc auditoriya və valideynləri hədəfləyir. Şirkət mobil rabitə dəstəyi ilə yeni ucuz saatın uşaqlar üçün smartfonu əvəz edə biləcəyinə əmindir.
"Apple Watch SE" 280 dollardan və "Family Setup" ilə mobil modeli 330 dollardan başlayan qiymətlərlə satıldığını nəzərə alsaq, yeni modelin 280 dollardan aşağı qiymətə satılacağı ehtimal edilir.