Azərbaycan noyabrın 16-dan 18-ə kimi Tunisdə keçiriləcək İnformasiya cəmiyyəti üzrə Ümumdünya Sammitinin 2-ci Tunis mərhələsinə (The World Summit on the Information Society WSIS) hazırlıq işləri aparır. Tunis sammitinə hazırlıq üzrə işçi qrupun rəhbəri (Rabitə Nazirliyndə yaradılıb), Azərbaycan Milli Elmlər Akademiyasının informasiya texnologiyaları institununu direktoru Rasim Əliquliyevin Trend ə verdiyi məlumata görə, bu məqsədlə təşkilati məsələlərlə əlaqədar artıq bir neçə iclas keçirilib.
Onun sözlərinə görə, Azərbaycan sammitin təşkilatçılarından və sponsorlarından biri olduğu üçün hazırlıq işləri də yüksək səviyyədə aparılır. Azərbaycanda müxtəlif strukturlarda informasiya cəmiyyətinin hazırki vəziyyəti ilə əlaqədar, onun inkişafı yolları və s. ilə bağlı materiallar hazırlanıb. "Bundan əlavə, tədbirlə bağlı proseslərin işıqlandırılacağı "Azərbaycan Tunis Sammitində" adlı sənədli film də çəkilir" - deyə R.Əliquliyev bildirib.
İşçi qrupunun rəhbəri bildirib ki, Rabitə Nazirliyində başqa, hazırlıq işlərində Xarici İşlər Nazirliyi, Milli Elmlər Akademiyası da fəal iştirak edir. Sammit çərçivəsində həmçinin, sərginin keçiriləcəyi ilə bağlı iştirakçı şirkətlərin sərgisi hazırlanıb. Son dəqiqləşdirici işlərdən sonra o, Tunisə göndəriləcək.
Sərgidə Azərbaycana 64 kvadrat metrlik sahə ayrılıb ki, burada da Sinam, AZEL, R.İ.S.K, Azərcell, Azeurotel və digər bütün İT üzrə yerli şirkətlər təmsil olunub.
WSIS-in birinci mərhələsi 2003-cü il dekabrın 10-dan 12-nə kimi Cenevrədə keçirilib ki, ölkə prezidenti İlham Əliyevin rəhbərdlik etdiyi Azərbaycanın nümayəndə heyəti iştirak edib.
