İlin sonuna kimi Birləşmiş Ərəb Əmirlikləri ilə poçt pul köçürmələrini MTF/STEFI sistemi ilə həyata keçirmək mümkün olacaq. Azərbaycanın Rabitə Nazirliyinin beynəlxalq əlaqələr şöbəsindən Trend ə verilən məlumata görə, bu istiqamətdə müvafiq razılaşmanın imzalanması ilə başa çatacaq danışıqlar davam etdirilir.
Rabitə Nazirliyindən həmçinin bildirilib ki, BƏƏ tərəfi artıq hazırda Nazirliyin üzərində işlədiyi razılaşmanın layihəsini artıq təqdim edib.
"Hazırki anda biz dünyanın müxtəlif ölkələrindən sözügedən sistemdə poçt pul köçürmələri ilə bağlı çoxlu sayda təkliflər alırıq. Misal üçün Pakistandan belə bir təklif daxil olub. Lakin Azərbaycan üçün bu sistem üzrə dünyanın müxtəlif ölkələri ilə pul köçürmələri yalnız ikitərəfli qaydada maraqlıdır", - dey ədövlət strukturundan bildirilib.
2005 -ci ilin sentyabrından imzalanan razılaşmaya görə, MTF/STEFI sistemi üzrə ikitərəfli pul köçürmələri moldova ilə mümkün olub. Rabitə Nazirliyindən hazırda Fransa ilə bu barədə danışıqların aparıldığı bildirilib.
Hazırda Azərbaycan Moldovadan başqa MTF/STEFI cistemi üzrə Rusiya, Belorus, Ukrayna və Qazaxıstanla poçt pul köçürmələri həyata keçirir.