İlin sonuna kimi Azərpoct DM-nin texnik yardımı ilə layihə həyata keçiriləcək. Rabitə və İnformasiya Texnologiyaları Nazirliyindən Trend ə verilən məlumata görə, layihəyə görə respublika daxilində poçt daşınmalarını həyata keçirmək məqsədilə istifadə olunmaq üçün 7 avtomaşının alınması nəzərdə tutulub.
Yeni layihə Dünya Poçt İttifaqı (DPİ) ilə birgə həyata keçiriləcək.
1999-cu ildə DPİ-nın qərarı ilə beynəlxalq poçtun inkişafına yardım göstərilməsi xüsusi fond yaradılıb. Məhz bu fondun vəsaiti hesabına bu layihə üçün vəsait ayrılıb. Layihənin dəyəri $135 mindir və bundan $40 mini DPİ tərəfindən ayrılacaq, digər hissə isə Nazirlik tərəfindən ödəniləcək.
Bundan başqa, analoji layihə artıq Naxçıvanda da həyata keçirilir. Burada 10-dan artıq kompyuter və poçt daşınmalarını həyata keçirmər üçün 2 avtomaşin alınıb. Layihənin dəyəri $30 min təşkil edir və layihə DPİ tərəfindən maliyyələşdirilir.