"Cisco Systems" şirkətinin Azərbaycan Rabitə və İnformasiya Texnologiyaları Nazirliyi ilə birgə keçirdiyi "Elektron hakimiyyət: problemlər və həllər" mövzusunda birgə seminarının tarixi müəyyən edilib. Tədbir dekabrın 20-də Rabitə Nazirliyində keçiriləcək. Bu, elektron hakimiyyətin tətbiqi sahəsində "Cisco Systems" şirkətinin təcrübəsinin öyrənilməsinə həsr olunmuş işçi seminar olacaq.
Seminara Prezident Aparatı, Vergilər, İqtisadi İnkişaf, Təhsil, Səhiyyə nazirliklərinin, Dövlət Gömrük Komitəsinin, Sosial Müdafiə Dövlət Fondunun, Multimedia Mərkəzinin "AzNet", "Azrena" layihələrinin, Milli Elmlər Akademiyasının İnformasiya texnologiyaları institutunun, eləcə də Rabitə Nazirliyi bölmələrinin nümayəndələri dəvət olunub.
Seminarı RİTN-nin başçısı Əli Abbasovun açması gözlənilir. Bundan sonra E layihəsinin Azərbaycan hökumətində tətbiqinin vəziyyətinə həsr olunmuş məruzə təqdim olunacaq.
Seminarları "Cisco"nun Rusiyadakı və Dubaydakı ofislərinin mütəxəssisləri aparacaq.
"Sisco Systems" Stenford Universitetinin bir qrup kompyuterçi-alimi tərəfindən 1984-cü ildə yaradılıb. Bu gün şirkətin 50 min əməkdaşı bütün dünya üzrə şirkətin ənənələrini həyata keçirir. Onlar kommutasiya və marşrutizasiya, eləcə də İP-kommunikasiyalar, şəbəkə təhlükəsizliyi, LAN naqilsiz şəbəkə, mühafizə şəbəkəsi (SAN), ev şəbəkələri və videosistemlər daxil olan müasir texnologiyalar sahəsində "Cisco" üçün bazalarda ən yaxşı məhsul və problemlərin həlli yollarını hazırlayırlar.
"Cisco Systems"in ümumdünya mənzil-qərargahı San-Xosedə (Kaliforniya ştatı) yerləşir. Şirkətə prezident, həm də baş icraçı direktor vəzifəsini yerinə yetirən Con Çembers (John Chambers) başçılıq edir.
1990-cı ildə "Cisco" açıq tipli səhmdar cəmiyyət olduqdan sonra 2006-cı maliyyə ilində onun gəliri 69 mln. dollardan 28,5 mlrd. dollara qədər yüksəlib.
Bazar kapitalizasiyasına görə (təxminən 129 mlrd. dollar) "Cisco Systems" dünyanın 500 ən iri şirkəti siyahısında 26-cı yeri tutur və həmin göstəriciyə görə İT şirkətləri arasında yalnız "Microsoft" şirkətindən geri qalır.
MDB-də "Sisco Systems" 1995-ci ildən işləyir. Hazırda "Cisco"nun ofisləri Almaata, Kiyev, Moskva, Sankt-Peterburq, Daşkənddə fəaliyyət göstərir. Şirkətin əməkdaşları həmçinin Astana, Bakı, Yekaterinburq, İrkutsk, Krasnadar. Minsk, Nijni Novqorod, Novo-Sibirsk, Rostov-na-Donu, Surqut, Xabarovsk şəhərlərində çalışrlar. Şirkətin yaxın perspektivində Bakıda rəsmi nümayəndəliyni açması gözlənilir.
