Azərbaycan, Bakı /müx. Trend S.Babayeva/ Yanvar-iyul aylarında Azərbaycanın rabitə və informasiya texnologiyalarının inkişafına qoyulan dövlət vəsaitlərinin ümumi həcmi 17200,9 min manat təşkil edib. Bu, 2006-cı ilin analoji dövrü ilə müqayisədə 0,8 faiz çoxdur. Rabitə və İnformasiya Texnologiyaları Nazirliyindən çərşənbə axşamı verilən xəbərə görə, vəsaitlər əsasən rabitə xətlərinin yenidən qurulmasına, şəhərlərarası fibrooptik magistralların tikintisinə və rabitə obyektlərinə yönəldilib.
Bu müddət ərzində "Aztelekom" İB müvafiq məqsədlər üçün 10013,1 min manat, "Baktelekom" İB 4090,8 min manat, "Teleradio" İB 324,1 min manat, "Azərpoçt" 1849,3 min manat xərcləyib.
2007-ci ildə Rabitə Nazirliyi 29 mln. manat investisiya qoymağı planlaşdırır. 2006-ci ildə dövlət rabitə müəssisələri tərəfindən yatırılan vəsaitlərin həcmi 42 mln. manat təşkil edib. Rabitə sahəsinə yatırılan investisiyaların ümumi həcmi isə 211,6 mln. manata (Azərbaycan iqtisadiyyatına yatırılan investisiyaların ümumi həcmindən 3,5 faiz) çatıb.