"Sarkisyan şahmat oynamağı çox sevir. Özü də təkcə şahmat lövhəsində yox. Ermənistan prezidenti Şahmat Federasiyasının rəhbəridir. O, həm də Azərbaycanın Dağlıq Qarabağ vilayətinin işğalında yaxından iştirak etmiş keçmiş hərbçidir".
Milli.Az xəbər verir ki, bu barədə Almaniyanın nüfuzlu "Focus" jurnalında dərc olunmuş məqalədə qeyd olunub.
Jurnalda Ermənistan tərəfindən Azərbaycan xalqına qarşı etnik təmizləmə siyasətinin həyata keçirildiyi qeyd olunub və bildirlib ki, BMT-nin Təhlükəsizlik Şurası 1993-cü ildə qoşunların çəkilməsi ilə bağlı dörd ədəd qətnamə qəbul etməsinə baxmayaraq, Sarkisyan bütün qətnamələri rədd edir.
"Focus" jurnalı qeyd olunan məsələ ilə bağlı Almaniyanın Sosial Demokrat partiyasının rəhbəri Sigmar Gabrielin fikirlərinə də yer verib. S.Gabriel də BMT qətnamələrinin icra olunmadığını bildirb.
Jurna Avropal Parlamentinin prezidenti Martin Şültün fikirlərinə də yer ayırıb. Martin Şült bu münaqişənin həllində Avropa İttifaqından daha aktiv rol tələb edir.
Almaniyanın Federal İqtisadiyyat və Texnologiyalar naziri Filip Rösler isə jurnala açıqlamasında deyib ki, Azərbaycanda Avropanı digər ixracatçılardan olan asılılıqdan azad edə biləcək külli-miqdarda qaz ehtiyatı var.
Jurnalda daha sonra qeyd olunub ki, əgər Avropa Birliyi Ermənistanın işğal olunmuş torpaqlardan geri çəkilməyinə nail olsa, əvəzində Azərbaycan da Avropaya qaz ixrac edə bilər.