Azərbaycan, Bakı, 9 yanvar /Trend/
"Charlie Hebdo" satirik nəşrinin redaksiyasına hücumda şübhəli bilinənlərin saxlanılması üzrə əməliyyat keçirilir. Trend-in RİA Novosti-yə istinadən verdiyi məlumata görə, bunu Fransa daxili işlər naziri Bernar Kaznev deyib.
Onun sözlərinə görə, yaxın dəqiqələrdə başlayan əməliyyatı xüsusi təyinatlı polis dəstəsi və jandarmeriyanın antiterror bölmələri həyata keçirir.
B.Kaznev qeyd edib ki, təhlükəsizlik qüvvələrinin ümumi səfərbərliyi elan edilib.