Bakı. Trend:
Şimali Koreyaya daha çox təzyiq göstərilməlidir, bu ölkənin raket proqramı NATO ölkələrinə təhlükə yaradır.
Trend-in məlumatına görə, bunu Münhen Təhlükəsizlik Konfransında çıxışı zamanı NATO-nun baş katibi Yens Stoltenberq deyib.
Y.Stoltenberq bildirib: "Şimali Koreya hamıya təhlükə yaradan nüvə və ballistik proqramı üzərində işləyə davam edir. Biz Şimali Koreya raketlərinin çata biləcəyi zonada yerləşirik və Pheynyana maksimal təzyiq göstərməliyik".