Bakı. Trend:
Dağıstanda yol-patrul xidmətinə hücum zamanı 2 polis öldürülüb. Trend-in məlumatına görə, hadisə Kizlyurt rayonunda baş verib. Qara rəngli "LADA Priora" avtomobilindən yol-patrul xidmətinin əməkdaşlarına atəş açan cinayətkarlar 2 nəfəri öldürüb, daha 1 nəfəri isə yaralayıblar. Yaralı xəstəxanaya çatdırılıb.
Hücum edən cinayətkarların sayı məlum deyil. Cinayətkarların axtarışı ilə bağlı xüsusi əməliyyat keçirilir.