Bakı. Trend:
Avropa Mərkəzi Bankı baza faiz dərəcəsini sıfır səviyyəsində saxlayıb.
Trend-in məlumatına görə, bu barədə bankın İdarə heyətinin iclasında qərar qəbul edilib.
Bundan başqa, depozitlər üzrə faiz dərəcəsi mənfi 0,5 faiz, marginal kredit dərəcəsi isə 0,25 faiz səviyyəsində saxlanılıb.
Avropa Mərkəzi Bankı, həmçinin 600 milyard avro həcmində aktivlərin satınalınması proqramını 1,35 trilyon avro məbləğinədək genişləndirib.