Bakı. Trend:
Koreya Respublikasının hakimiyyəti gələn həftə koronavirusa qarşı peyvənd olunmamış ölkəyə gələn şəxslər üçün karantini ləğv edəcək.
Trend-in məlumatına görə, bu barədə ölkənin baş naziri Han Dok Su deyib.
"Biz xaricdən giriş üçün nəzarət sistemini yenidən təşkil edəcəyik. İndiyədək peyvənd olunmamış şəxslər xaricdən gəldikdən sonra 7 günlük karantində saxlanılırdılar, iyunun 8-dən bu məcburiyyət vaksinasiya statusundan asılı olmayaraq aradan qaldırılacaq", - deyə baş nazir bildirib.
O əlavə edib ki, gələnlər hələ də ölkə ərazisinə daxil olmamışdan üç gün əvvəl sərhəddə "PSR" testinin nəticələrini təqdim etməlidirlər.