Bakı. Trend:
Rusiyadan Avropa ölkələrinə neft nəql edən "Drujba" neft kəmərinin Polşadakı hissəsində sızma baş verib.
Trend-in məlumatına görə, bu barədə Polşanın "Pern" operator şirkəti bildirib.
Qeyd olunub ki, sızma Plotsk şəhərindən 70 kilometr məsafədə qeydə alınıb. Hadisə ilə əlaqədar boru xəttinin Almaniyaya neft nəql edən qolu bağlanıb.
İnsidentlə bağlı araşdırma aparılır.