Bakı. Trend:
Türkiyənin Manisa vilayətinin Soma rayonunda meşə yanğını başlayıb.
Trend bu barədə Türkiyə mediasına istinadən xəbər verir.
Məlumata görə, küləyin təsiri ilə artan yanğının söndürülməsinə 8 təyyarə, 8 helikopter, 36 suçiləyici, 13 su təchizatı maşını və 6 buldozer cəlb olunub.
Baş vermə səbəbi hələ ki məlum olmayan yanğının söndürülməsi üzrə işlər davam edir.