Qazaxıstan hərbçiləri Kollektiv Təhlükəsizlik Müqaviləsi Təşkilatının Kollektiv Sülhməramlı Qüvvələri ilə birgə “Sarsılmaz Qardaşlıq – 2023” təlimlərində iştirak edəcəklər.
Trend-in TurkicWorld-ə istinadən məlumatına görə, bu barədə Qazaxıstan Respublikasının Müdafiə Nazirliyi məlumat yayıb.
Məlumata əsasən, təlimlər 6-13 oktyabr tarixlərində Qırğızıstan Respublikası Silahlı Qüvvələrinin Balıqçı poliqonunda baş tutacaq.
Xatırladaq ki, KTMT-nin sülhməramlı qüvvələri 2012-ci ildən etibarən “Sarsılmaz Qardaşlıq” birgə təlimləri keçirir.
