Bakı. Trend:
Qəzza zolağında BMT-nin 136 əməkdaşı həlak olub.
Trend xəbər verir ki, bu barədə BMT Baş katibi Antoniu Quterreş “X” sosial şəbəkə hesabında paylaşım edib.
O bildirib ki, BMT əməkdaşlarının çoxu evlərini tərk etmək məcburiyyətində qalıblar, bu isə görünməmiş haldır: “Onlara və Qəzza zolağında mülki insanlara dəstək olmaq üçün həyatlarını riskə atan minlərlə yardım işçisinə hörmət edirəm”.
Xatırladaq ki, Qəzzada oktyabrın 7-dən indiyə kimi ölənlərin sayı 20 mini keçib. Onlardan azı 8 mini uşaq, 6 min 200 nəfəri qadındır. Yaralananların sayının isə 52 min 600-ü keçdiyi bildirilib.