Bakı. Trend:
İsrail Ümumi Təhlükəsizlik Xidməti İsrail rəhbərliyinin uzun müddət qalması və ölkəni idarə etməsi üçün Qüds bölgəsində yeraltı bunker hazırlayıb.
Trend TASS-a istinadən xəbər verir ki, Qüds bölgəsində yeraltı bunker yaradılması qərarı 2007-ci ildəki İkinci Livan müharibəsindən sonra qəbul edilib. Bu bunker, rəsmi olaraq Milli Böhran İdarəetmə Mərkəzi adlanır, raket təhlükələrindən və müxtəlif növ silahlardan qorunur. Onun yerləşdiyi yer və dərinliyi məxfi saxlanılır. Bunkerin bir neçə yüz nəfər üçün nəzərdə tutulduğu və yaşayış sahələri, iş otaqları, iclas zalları və Tel-Əvivdəki İsrail Müdafiə Nazirliyi kompleksi ilə əlaqəli vahid komanda mərkəzi ilə təchiz olunduğu məlumdur.
Bunker Livan şiə hərəkatı “Hizbullah” və İran tərəfindən gözlənilən hücum fonunda işə salınıb.
The Times of Israel qəzetinin qeyd etdiyi kimi, Qüds bölgəsindəki bunker 7 oktyabr 2023-cü ildə HƏMAS döyüşçülərinin İsrailə hücum etməsi və Qəzza zolağında hərbi əməliyyatın başlanmasından sonra 10 ay ərzində heç vaxt istifadə edilməyib. Bunker 2014-cü ilin iyul-avqust aylarında Qəzza zolağında İsrail ordusunun 50 gün davam edən “Qayalı Sütun” əməliyyatı zamanı “bir sıra hərəkətləri idarə etmək” üçün bir neçə dəfə istifadə edilib. Bundan sonra, ölkənin təhlükəsizlik kabinetinin bir neçə iclası da burada keçirilib.