Bakı. Trend:
Çexiyanın şərq və şimal-şərq bölgələrində daşqın çaylara düşən 4 nəfər itkin düşüb.
Trend-in verdiyi məlumata görə, bu barədə “Blesk” xəbər portalı məlumat yayıb.
Respublikanın şərqindəki Uherski Brod şəhəri yaxınlığındakı Yankovice kəndində 54 yaşlı kişi çayın sahilində yerləşən şəxsi həyətyanı sahəsini təmizləyərkən ora düşüb. Onu sürətlə axan su udub.
Ölkənin şimal-şərqindəki Jesenik şəhəri yaxınlığındakı Lipova Lazne kəndində avtomobil çaya düşüb, 3 nəfər avtomobildən çıxa bilməyib.
Polis itkin düşmüş şəxsləri axtarır. Çexiyanın şərqində və şimal-şərqində çaylarda və su anbarlarında suyun səviyyəsinin sürətlə artması müşahidə olunur. Fövqəladə vəziyyətə son bir neçə gün ərzində demək olar ki, bütün Çexiya ərazisində baş verən leysan yağışları səbəb olub.