Bakı. Trend:
Bursanın İnegöl rayonundakı Mütəşəkkil Sənaye Bölgəsində fəaliyyət göstərən tullantıların təmizlənməsi zavodunda naməlum səbəbdən yanğın baş verib.
Trend xəbər verir ki, alov sürətlə böyüsə də, hadisə yerinə gələn ekipajlar 1 saat ərzində yanğını söndürüblər.
Yanğın yerli vaxt ilə saat 21:30 radələrində Mütəşəkkil Sənaye Bölgəsində fəaliyyət göstərən tullantıların təmizlənməsi zavodunda baş verib. Poliqonda naməlum səbəbdən baş verən yanğın qısa zamanda böyüyüb.
Alov səmaya qalxarkən hadisə yerinə çoxlu sayda yanğınsöndürən və polis göndərilib. Ekipajın 1 saatlıq gərgin səyindən sonra yanğın söndürülüb. Yanğının başvermə səbəbləri araşdırılır.