Bakı. Trend:
Livan parlamentində keçirilən səsvermənin ikinci turunun yekunlarına əsasən, Livanın ordu komandiri - general Yusif Övn ölkənin yeni prezidenti seçilib.
Trend xəbər verir ki, bu barədə ölkənin yerli mətbuatı məlumat yayıb.
xxx
13:00
Bu gün Livan parlamentində prezidentin seçilməsi ilə bağlı iclas keçiriləcək.
Trend xəbər verir ki, bu barədə “Associated Press” məlumat yayıb.
Qeyd edilir ki, Livanda 2022-ci ilin oktyabr ayından bəri sözügedən post boş qalıb. Livanlı millət vəkilləri keçmiş prezident Mişel Övnə varis təyin etmək üçün azı 12 dəfə cəhd etsələr də, bu vaxta qədər heç bir nəticə əldə olunmayıb.
Habelə ölkənin yerli KİV-ləri bu gün keçiriləcək səsvermədə yeni dövlət başçısının seçilmə ehtimalı yüksək qiymətləndirir. Əsas namizəd livanlı ordu komandiri Yusif Övndür. Qeyd olunan namizədin ABŞ və Səudiyyə Ərəbistanı tərəfindən də dəstəkləndiyi bildirilir.