Bakı. Trend:
Ötən gecə Rotterdamın müxtəlif ərazilərində üç yaşayış binasında partlayış baş verib.
Trend xəbər verir ki, bu barədə Hollandiyanın ANP xəbər agentliyi polisə istinadən məlumat yayıb.
Hüquq-mühafizə orqanlarının məlumatına görə, partlayışlar nəticəsində xəsarət alan olmayıb, lakin binalara maddi ziyan dəyib. Hadisələr bir saat ərzində baş verib.
Polis hazırda partlayışlar arasında hər hansı bir əlaqənin olmadığını düşünür. İşlə bağlı həbslər barədə məlumat yoxdur, araşdırma yerli prokurorluq tərəfindən aparılır.