Bakı. Trend:
ABŞ-nin yeni seçilmiş prezidenti Donald Trampın həyat yoldaşı Melaniya Tramp da öz memkoinini istifadəyə verib.
Trend xəbər verir ki, Melaniya Trampın kriptovalyutası $TRUMP memkoininə bənzədilərək $MELANIA adlandırılıb. O, kriptovalyutanın istifadəyə verildiyini Truth Social platformasında elan edib.
Melaniya Trampın sikkəsi artıq 10.000% bahalaşıb və ümumi kapitallaşması 5 milyard dollara çatıb.
Qeyd edək ki, Donald Tramp cümə günü öz kriptovalyutasını istifadəyə verdiyini açıqlamışdı. Son 24 saat ərzində Trampın $TRUMP memecoini ilə ticarət həcmi 11 milyard dolları ötüb, onun kapitallaşması isə 10,5 milyard dollara yüksəlib. Hazırda bir $TRUMP memecoini təxminən 50 dollar dəyərindədir.