Astana. Trend:
Qazaxıstanın Jezkazqan şəhərində neft bazasında partlayış və güclü yanğın baş verib.
Trend xəbər verir ki, hadisə yerinə Qazaxıstan Fövqəladə Hallar Nazirliyinin bölmələri cəlb edilib.
"Jezkazqandakı neft bazalarından birində 3 xüsusi təyinatlı maşın yanıb. Yanğınsöndürənlər gələnə qədər qaz avadanlığının partlaması, ardınca anqarın çökməsi baş verib.
Bir neçə dəqiqə ərzində hadisə yerinə gələn Fövqəladə Hallar Nazirliyinin ilk bölməsi yanğını söndürməyə başlayıb. Daha sonra əlavə yanğınsöndürmə briqadaları hadisə yerinə cəlb edilib”, - deyə FHN-dən bildirilib.
Yanğınsöndürənlər yanğınsöndürən maşınlar və köpükdən istifadə edərək 100 kvadratmetr sahədə alovu söndürüblər.
"Hadisə nəticəsində neft bazasının 4 əməkdaşı yaralanıb. Onlar xəstəxanaya yerləşdirilib. Yanğının başvermə səbəbləri müəyyənləşdirilir", - FHN-dən əlavə ediblər.