Bakı. Trend:
Yəmənin “Ənsar Allah” hərəkatının husi üsyançıları son 24 saat ərzində Qırmızı dənizdə ABŞ gəmilərinə və ABŞ-nin “Harry Truman” təyyarədaşıyan gəmisinə üç dəfə hücum ediblər.
Trend-in məlumatına görə, üsyançıların yaratdığı silahlı qüvvələrin nümayəndəsi Yəhya Sariya deyib.
"Silahlı Qüvvələrimizin dəniz, raket və pilotsuz uçuş aparatları ABŞ-nin “USS Harry Truman” təyyarədaşıyan gəmisinin rəhbərliyi ilə Qırmızı dənizdə düşmənin hərbi gəmilərinə çoxsaylı qanadlı raket və PUA-larla zərbələr endirib. Bu, son 24 saat ərzində üçüncü toqquşmadır", - deyə hərəkatın nümayəndəsinin "Telegram" kanalında bildirilib.