Bakı. Trend:
Serb Respublikasının (Bosniya və Herseqovinanın tərkibindəki qurum) Prezidenti Milorad Dodik və daha iki siyasətçinin Almaniya və Avstriyaya girişi qadağan ediləcək.
Trend xəbər verir ki, bu barədə Avstriyanın xarici işlər naziri Beate Maynl-Raytsinger və Almaniyanın Avropa və İqlim məsələləri üzrə dövlət naziri vəzifəsini icra edən Anna Lürmann birgə bəyanat yayıblar.
Bəyanatda Bosniya və Herseqovinada yaranmış konstitusiya böhranına diqqət çəkilir və vəziyyəti daha da gərginləşdirən şəxslərə qarşı təcili tədbirlərin görülməsinin zəruriliyi qeyd olunur.
Alman və avstriyalı diplomatların sözlərinə görə, Dodik "qırmızı xətləri" keçib və onun addımları regionun sabitliyinə, təhlükəsizliyinə, Bosniya və Herseqovinanın konstitusiya quruluşuna və ərazi bütövlüyünə ciddi təhdid yaradır.
Bu qərar Avropa İttifaqının Bosniya və Herseqovinada sülhün və sabitliyin qorunmasına dair səyləri çərçivəsində atılıb.