Bakı. Trend:
Almaniyanın səkkiz aparıcı bankı silah istehsalçılarının səhmlərində müşahidə olunan kəskin artıma baxmayaraq, "etik səbəblərə görə" müdafiə sənayesinə investisiya yatırmaqdan imtina edib.
Trend-in məlumatına görə, bu barədə bankların yaydığı birgə bəyanatda bildirilir: “Silahlara investisiyalar zəruridir, lakin etik cəhətdən əsaslandırılmır”.
Bəyanatı imzalayanlar arasında GLS-Bank, KD-Bank, BiB Essen, Bank für Kirche und Caritas, DKM - Partner für Kirche und Caritas, Evangelische Bank, Steyler Ethik Bank və PAX Bank yer alır.
Sənəddə qeyd olunub ki, bu banklar gəlirlərinin 3-5 faizindən çoxunu silah istehsalı və satışından əldə edən şirkətlərə vəsait yönəltməyəcək. Banklar hesab edir ki, təhlükəsizliyin təmin edilməsi dövlətlərin vəzifəsidir və şəxsi kapital silahlı münaqişələrin genişlənməsinə töhfə verməməlidir.