Bakı. Trend:
Fransanın Kann şəhərində elektrik enerjisi, internet və mobil rabitə kəsintisi baş verib.
Trend xarici KİV-ə istinadən xəbər verir ki, işıqforlar, liftlər və internet işləmir, mobil rabitə, demək olar ki, yoxdur.
Qeyd olunur ki, Kann festivalında qonaqların qəbulu zamanı problemlər yaranıb, internet şəbəkəsi olmadığı üçün onlar telefonlarından biletləri göstərə bilmədiklərinə görə çətinliklərlə üzləşiblər. İnterneti hələ də işlək olanlar girişi başqaları ilə paylaşıblar.
Kəsintinin səbəbləri barədə hələlik açıqlama verilmir.