Bakı. Trend:
Rusiyanın İrkutsk vilayəti ilə Buryatiya Respublikası sərhədində Baykal gölünün sularında 4,4 bal gücündə zəlzələ qeydə alınıb.
Trend-in məlumatına görə, bu barədə Rusiya Elmlər Akademiyasının Vahid Geofizika Xidmətinin Baykal filialı məlumat yayıb.
Filialın saytında dərc olunan operativ məlumatlara əsasən, yerli vaxtla saat 10:35-də 4,4 bal gücündə, enerji sinfi 11,9 olan zəlzələ baş verib. Zəlzələnin episentri Baykal gölünün şimal hissəsində, Svyatoy Nos yarımadasından 18 km şimal-qərbdə, Bolşoy Uşkanı adasından 8 km şimalda olub.
Bildirilib ki, episentrdə zəlzələnin intensivliyi 6 bal olub.