Bakı. Trend:
Amerikalı Hollivud ulduzu Tom Kruz “Çətin tapşırıq: Son qisas” filmində yerinə yetirdiyi fəndə görə Ginnesin Rekordlar Kitabına adını yazdırıb.
Trend xəbər verir ki, bu barədə Ginnesin Rekordlar Kitabının saytında məlumat yayılıb.
Rekorda düşmüş səhnə zamanı artist helikopterdən alışqan materialla hopmuş paraşütlə tullanır və paraşut havada olarkən yanmağa başlayır. Həmin epizodda o yanan paraşütdən yaxa qurtararaq, ehtiyat paraşütü açır və yerə eniş edir.
Bu səhnənin uğurlu çəkilişi üçün 16 dublun lazım gəldiyi deyilir. Beləcə, 62 yaşlı kruz yanan paraşütlə tullanış sayına görə rekorda imza atıb.