Samuxda avtomobil aşıb, sürücü ölüb, sərnişin xəsarət alıb

Hadisə Xəbər 18 Noyabr 2026 09:40 (UTC +04:00)
Samuxda avtomobil aşıb, sürücü ölüb, sərnişin xəsarət alıb
Firayə Nurizadə
Firayə Nurizadə
Müxbir Bütün xəbərlər

Bakı. Trend:

Samux rayonunda avtomobilin aşması nəticəsində bir nəfər ölüb, bir nəfər xəsarət alıb.

Trend-in məlumatına görə, hadisə noyabrın 17-də saat 19 radələrində rayonun Qədili kəndi ərazisində baş verib.

1994-cü il təvəllüdlü İlyas Aslanov idarə etdiyi “Chevrolet Niva” markalı avtomobillə hərəkətdə olarkən idarəetməni itirib və avtomobil yol kənarına aşıb.

Nəticədə sürücü aldığı xəsarətlərdən hadisə yerində ölüb. Avtomobildə olan sərnişin, 1981-ci il təvəllüdlü Əziz Məmmədov isə müxtəlif dərəcəli bədən xəsarətləri alıb.

Faktla bağlı Samux Rayon Polis Şöbəsində Cinayət Məcəlləsinin müvafiq maddəsi ilə cinayət işi başlanılıb.

Məqalədə:

Xəbər lenti

Xəbər lenti