Bakı. Trend:
OpenAI süni intellekt texnologiyası əsasında işləyən yeni veb-brauzerini istifadəyə verməyə hazırlaşır.
Trend-in Reuters agentliyinə istinadən verdiyi məlumata görə, şirkətin yeni məhsulunun təqdimatı yaxın həftələrdə gözlənilir.
Məlumata əsasən, OpenAI-nin hazırladığı brauzer istifadəçi fəaliyyətlərini sadələşdirəcək şəkildə dizayn edilib. İstifadəçilər bəzi sorğularını və əmrlərini birbaşa çat interfeysində – “ChatGPT”yə bənzər mühitdə – həyata keçirə biləcəklər, yəni bir çox əməliyyat üçün ayrıca veb-sayta keçidə ehtiyac qalmayacaq.
Yeni brauzer OpenAI-nin süni intellekti gündəlik istifadə sahələrinə daha da yaxınlaşdırmaq məqsədinin bir hissəsi kimi qiymətləndirilir.