Bakı. Trend:
Avropa İttifaqının Rusiyaya qarşı tətbiq etdiyi 18-ci məhdudlaşdırıcı ölçülər paketi çərçivəsində Çinin iki regional bankı “qara siyahıya” salınıb.
Trend xəbər verir ki, bu barədə South China Morning Post (SCMP) öz mənbələrinə istinadən məlumat yayıb.
Söhbət “Suifenhe Rural Commercial Bank” (SRCB) və “Heihe Rural Commercial Bank” (HRCB) banklarından gedir. Maliyyə təşkilatlarının baş ofisləri Rusiya ilə sərhəddə yerləşən Heylunsyan əyalətində fəaliyyət göstərir.
Qeyd edək ki, bu gün (18 iyul) Avropa İttifaqı Şurası Rusiyaya qarşı sayca 18-ci sanksiyalar paketini təsdiq edib.