Bakı. Trend:
Çinli avtomobil istehsalçısı "Geely Automobile Holding", vaxtilə özü tərəfindən yaradılmış "Zeekr" qrupunu tam nəzarətə götürərək onu rəsmi şəkildə törəmə müəssisəyə çevirəcək.
Trend xəbər verir ki, bu məqsədlə tərəflər artıq yekun razılaşma imzalayıblar. Sənədə əsasən, hazırda "Zeekr" səhmlərinin 62,8 faizinə sahib olan "Geely", qalan bütün səhmləri də alacaq.
Prosesin səhmdarların səsverməsindən sonra 2025-ci ilin dördüncü rübündə başa çatacağı gözlənilir.
Qeyd edək ki, "Zeekr" qrupuna innovativ elektromobil brendlərindən biri olan "Lynk&Co" markası da daxildir.