Bakı. Trend:
Suriya hakimiyyəti hazırda Dəməşqin İsrail ilə münasibətlərin normallaşdırılmasını nəzərdə tutan Avraam müqavilələrinə qoşulması ilə bağlı danışıqlar aparmağı planlaşdırmır.
Trend-in məlumatına görə, bu barədə Suriyanın keçid dövrünün prezidenti Əhməd əl-Şaraa deyib.
"Suriyadakı vəziyyət Avraam müqavilələrinə qoşulan ölkələrin vəziyyətindən fərqlənir. Suriya 1967-ci ildən bəri Colan Təpələrini işğal edən İsraillə həmsərhəddir. Hazırda birbaşa danışıqlara girmək niyyətində deyilik", - deyə o "Fox News" telekanalına müsahibəsində bildirib.
Eyni zamanda, əl-Şaraa gələcəkdə ABŞ prezidenti Donald Tramp və onun administrasiyasının vasitəçiliyi ilə bu cür əlaqələrin baş tuta biləcəyini deyib.