Bakı. Trend:
Türkiyə Futbol Federasiyası (TFF) qanunsuz mərc oyunlarında iştiraka görə 102 futbolçunu diskvalifikasiya edib.
Trend bu barədə TFF-nin mətbuat xidmətinin yaydığı məlumata istinadən xəbər verir.
Məlumata görə, diskvalifikasiya müddətləri 45 gündən 1 ilə qədər dəyişir. Futboldan 12 aylıq müddətə uzaqlaşdırılan oyunçular arasında tanınmışlardan - qapıçılar Əli Şaşal Vural (“Sivasspor”), Orkun Özdemir (“Boluspor”), yarımmüdafiəçi Oktay Aldın (“Amed”), müdafiəçi Abdülsamed Burak (“Kayserispor”) və senegallı hücumçu Alassan Nado (“Konyaspor”) yer alır.